Velkomen til Stord Gammel Dansk Lag sine vevsider på verdsveven!
| Stord Gammel Dansk Lag - SGDL - vart skipa fredag 13. januar 1995.
Skiparane av laget fann saman under mottoet «vedlikehald er
betre enn reparasjon» - Gammel Dansk er som kjent den beste
medisin. Det overordna målet for laget er å fremja bruken av vidundermedelet Gammel Dansk for ålmenta. SGDL kjem frå den fagre øya Stord på vestkysten av Noreg - mesta midt i mjødlo Bergen og Stavanger. Eit naudsynt krav for å verta medlem er - forutan å vera ein lidenskapeleg Gammel Dansk-nytar - å ha ein dokumentert tilknytnad til Stord. I tillegg må ein verta tilrådd som medlem av ein allereie godkjent medlem. Medlemmet må dessutan godkjennast av eit samrøystes medlemsmøte. Denne konservative praksisen sikrar kvaliteten i laget - SGDL har kontinuerleg støttemedlemmar som ventar på offisielt opptak.
SGDL har eit etter måten høveleg aktivitetsnivå. Formelle medlemsmøter vert haldne kvar fredag den 13. - såleis 1 til 3 gonger årleg. Men mellom dei formelle møta finn ei rekkje ulike arbeidsutvalsmøter stad. Med medlemmar spreidd utover heile Noreg er dette naturleg. Individuell aktivitet inkluderer stendig kontroll av skjenkestadar og kontinuerleg misjonering for utbreiinga av Gammel Dansk for lek og lærd. |